वडगाव-सिन्नर येथील रहिवासी विनोद शिवाजी आढाव यांचे नातलग नांदूरशिंगोटे येथे वास्तव्यास आहेत. त्यांना भेटण्यासाठी विनोद मंगळवारी सायंकाळी ५.३० वाजेच्या सुमारास पत्नी पौर्णिमा आणि बहीण रत्ना यांना सोबत घेऊन दुचाकीने निघाला होता. सिन्नर वळण रस्त्याने तो संगमनेरकडे जात होते.गेल्या महिनाभरात नायलॉन मांजा दुचाकीला अडकल्याने वावी वेस, संगमनेर नाका, झापवाडी, मुसळगाव पूल या परिसरात पाच जण जखमी झाल्याच्या घटना घडल्या आहेत. त्यातच आता एकाच दुचाकीवरील तीन जण नायलॉन मांजाने जखमी झाल्याने कारवाईचा विषय ऐरणीवर आला आहे. नाशिक-पुणे महामार्गाने संगमनेरकडे दुचाकीवरून जात असताना नायलॉन मांजा अडकल्याने तिघे जण जखमी झाल्याची घटना मंगळवारी (दि.३१) सायंकाळी सहा वाजेच्या सुमारास घडली. या अपघातात वडगाव-सिन्नर येथील विनोद शिवाजी आढाव (वय २४), त्यांची पत्नी पौर्णिमा विनोद आढाव (वय १९) आणि बहीण रत्ना शिवाजी आढाव (वय २०) हे तिघे जखमी झाले. सिन्नरच्या खासगी रुग्णालयात त्यांच्यावर उपचार सुरू आहेत.

वडगाव-सिन्नर येथील रहिवासी विनोद शिवाजी आढाव यांचे नातलग नांदूरशिंगोटे येथे वास्तव्यास आहेत. त्यांना भेटण्यासाठी विनोद मंगळवारी सायंकाळी ५.३० वाजेच्या सुमारास पत्नी पौर्णिमा आणि बहीण रत्ना यांना सोबत घेऊन दुचाकीने निघाला होता. सिन्नर वळण रस्त्याने तो संगमनेरकडे जात होते. गुरेवाडी पुलाखाली उतरत असताना त्यांच्या दुचाकीला अचानक मांजा आडवा आला. दुचाकी वेगात असल्याने मांजाने विनोदचे नाक कापले गेले. त्याने हाताने मांजा खाली ओढल्याने त्याच्या ओठाखाली मोठी जखम झाली. त्याला सुमारे ४८ टाके घातले आहेत. त्याची पत्नी पौर्णिमा हिने उजव्या हाताने मांजा पकडल्याने तिचा अंगठा आणि त्या शेजारील बोट कापले गेले असून, पाच टाके घातले आहेत. तर रत्ना हिच्याही डाव्या हाताच्या करंगळी शेजारील बोटाला आणि अंगठ्याला जखम झाली आहे. नायलॉन मांजाला बंदी घालण्यासाठी प्रशासनाकडे कडक पावले उचलण्याची मागणी नागरिकांकडून होऊ लागली आहे.